Bon biní!
Esaki ta e blòg di e tim ku ta tradusí WordPress na papiamentu (pa Kòrsou i Boneiru). Tin un sitio similar pa e tim di traduktor pa papiamento (di Aruba).
E tim ta relativamente nobo. E idea, por lo pronto, ta pa tradusí WordPress, WordPress.org i e tema Twenty Twenty. Despues lo mester sigui hasi trabou di mantené i aktualisá e tradukshonnan. Pa hasi tur esaki tin algun trabou preliminar ku mester hasi. Entre otro, mester traha un manual pa traduktor, di moda ku nos tur por ta riba mesun liña. Nos ke reklutá mas hende tambe pa por hasi e tradukshon den mas tiki tempu. Si bo ta interesá, bo por indiká esei aki pa e proyekto prinsipal (tradusí WordPress): https://translate.wordpress.org/locale/pap-cw/default/wp/dev/. Una bes bo registrá nos por dunabo mas informashon tokante e sobrá proyektonan di tradukshon di WordPress na papiamentu.
Esaki ta un trabou boluntario, ku nos ta hasi ku mil amor. Nos ta spera bo tambe por duna nos un brasa pa por ofresé Kòrsou i Boneiru WordPress na nos mes idioma.
Komuniká ku nos
Si bo ke mas informashon i komuniká ku nos tokante progreso di e proyekto, por fabor usa e plataforma Slack. Nos direkshon na e plataforma ei ta: Wp-papiamentu-o. Por pidi akseso na richenel.ansano@gmail.com.
